အယ်လ်ရှာဘာ့ဘ်သည် အာရေဗျကျွန်းစွယ်ရှိ အယ်လ်ခိုင်းဒါး (AQ) နှင့် အစ္စလာမ် မဂရက်ဘ်ရှိ AQ အပါအဝင် AQ ၏ အခြားအဖွဲ့အစည်းများနှင့် ဆက်နွှယ်မှုရှိသည့် AQ အဖွဲ့အစည်း တစ်ရပ် ဖြစ်ပါသည်။ အယ်လ်ရှာဘာ့ဘ်သည် ၂၀၀၆ ခုနှစ် ဒုတိယပိုင်းအတွင်း ဆိုမာလီယာတောင်ပိုင်း ဒေသအချို့ကို သိမ်းပိုက်လိုက်သည့် ယခင် ဆိုမာလီ အစ္စလာမ် တရားရုံးများ ကောင်စီ၏ စစ်သွေးကြွဂိုဏ်း ဖြစ်ခဲ့ပါသည်။ ၂၀၀၆ ခုနှစ် ကုန်ဆုံးကတည်းက အယ်လ်ရှာဘာ့ဘ်နှင့် ၎င်းနှင့်ဆက်နွှယ်သည့် စစ်သွေးကြွများသည် ဆိုမားလီးယား၏ အသွင်ကူးပြောင်းရေး အစိုးရကို ဆန့်ကျင်တိုက်ခိုက်ရန် ပြောက်ကျားစစ်ဆင်ရေးနှင့် အကြမ်းဖက် စစ်နည်းဗျူဟာများ အသုံးပြု၍ အကြမ်းဖက်သောင်းကျန်းမှုတွင် ပါဝင်ခဲ့ပါသည်။
အယ်လ်ရှာဘာ့ဘ်သည် ဆိုမားလီးယား၊ ကင်ညာ၊ ယူဂန်ဒါနှင့် ဂျဘူးတီတို့တွင် တိုက်ခိုက်မှုများ ပြုလုပ်ခဲ့ပါသည်။ အယ်လ်ရှာဘာ့ဘ်သည် ၂၀၁၀ ခုနှစ် ဇူလိုင်လ ၁၁ ရက် ကင်ပါလာမြို့၌ အသေခံဗုံးခွဲခြင်းများကို ပြုလုပ်ခဲ့ပါသည်။ ကမ္ဘာဖလားပွဲအတောအတွင်း ဖြစ်ပေါ်ခဲ့သည့် ထိုတိုက်ခိုက်မှုကြောင့် အမေရိကန်နိုင်ငံသား တစ်ဦးအပါအဝင် လူ ၇၆ ဦး သေဆုံးခဲ့ပါသည်။ ၂၀၁၃ ခုနှစ် စက်တင်ဘာလတွင်၊ အယ်လ်ရှာဘာ့ဘ်သည် နိုင်ရိုဘီမြို့ရှိ Westgate Mall အပေါ် ကြီးမားသည့် တိုက်ခိုက်မှု ပြုလုပ်ခဲ့ပါသည်။ ရက်များစွာ ၀ိုင်းထားခြင်းကြောင့် အရပ်သား အနည်းဆုံး ၆၅ ဦးသေဆုံးခဲ့သည့်အပြင် စစ်သားခြောက်ဦးနှင့် ရဲအရာရှိများနှင့် အခြား ရာပေါင်းများစွာသောသူတို့ ထိခိုက်ဒဏ်ရာ ရခဲ့ကြပါသည်။ ၂၀၁၅ ခုနှစ် ဧပြီလတွင် အယ်လ်ရှာဘာ့ဘ်သည် ကင်ညာ၏ ဂရစ္စာတက္ကသိုလ် ကောလိပ်ကို လက်နက်ငယ်များ၊ လက်ပစ်ဗုံးများတို့နှင့် စီးနင်းတိုက်ခိုက်ခဲ့သဖြင့် လူ ၁၄၈ ဦး သေဆုံးခဲ့ပါသည်။
၂၀၀၈ ခုနှစ် မတ်လ ၁၈ ရက်နေ့တွင်၊ အမေရိကန် ပြည်ထောင်စု နိုင်ငံခြားရေးဌာနမှ လူဝင်မှုကြီးကြပ်ရေးနှင့် နိုင်ငံသား အက်ဥပဒေ ပုဒ်မ ၂၁၉ ပြင်ဆင်ချက်အရ အယ်လ်ရှာဘာ့ဘ်အား ပြည်ပအကြမ်းဖက် အဖွဲ့အစည်းအဖြစ် သတ်မှတ်ခဲ့ပါသည်။ ၎င်းနောက် ၂၀၀၈ ခုနှစ် မတ်လ ၁၉ ရက်တွင် အမေရိကန် ပြည်ထောင်စု နိုင်ငံခြားရေးဌာနမှ နိုင်ငံတော်သမ္မတအမိန့် ၁၃၂၂၄ ပြင်ဆင်ချက်အရ အယ်လ်ရှာဘာ့ဘ်အား အထူးသတ်မှတ်ထားသော တစ်ကမ္ဘာလုံးဆိုင်ရာ အကြမ်းဖက်သမားအဖြစ် သတ်မှတ်ခဲ့ပါသည်။ အကျိုးဆက်အနေဖြင့် အမေရိကန် ပြည်ထောင်စု၏ တရားစီရင်ပိုင်ခွင့် နယ်ပယ်ရှိ အယ်လ်ရှာဘာ့ဘ်၏ အိုးအိမ်ခြံမြေနှင့် အိုးအိမ်ခြံမြေရှိ အကျိုးစီးပွားများအား ပိတ်ပင်လိုက်ပြီး အမေရိကန် နိုင်ငံသားများအား အယ်လ်ရှာဘာ့ဘ်နှင့် လုပ်ငန်းများ လုပ်ကိုင်ခြင်းကို ယေဘုယျအားဖြင့် ပိတ်ပင်တားမြစ် ထားပါသည်။ ထို့အပြင် အယ်လ်ရှာဘာ့ဘ်အား ပစ္စည်းအထောက်အပံ့ သို့မဟုတ် အရင်းအမြစ်များကို သိလျှက်နှင့်တမင် ပေးခြင်း၊ သို့မဟုတ် ပေးရန် ကြိုးပမ်းခြင်း၊ သို့မဟုတ် ပေးရန် ကြံစည်ခြင်းသည် ရာဇဝတ်မှုဖြစ်ပါသည်။
