لشڪر طيبه (ايل اِي ٽي) جيڪو نيڪ ماڻهن جي لشڪر طور پڻ سڃاتو وڃي ٿو، پاڪستان ۾ موجود دهشتگرد گروپ آهي جيڪو 1980ع جي ڏهاڪي ۾ قائم ٿيو. ايل اي ٽي 1993ع کان ڪارروايون ڪيون آهن جن ۾ ڀارتي فوج ۽ شهري هدفن خلاف وڏي پيماني جا حملا شامل آهن. هن گروپ افغانستان ۾ اتحادي فوج خلاف حملا پڻ ڪيا آهن. ايل اي ٽي نومبر 2008ع ۾ ممبئي ڀارت ۾ ٿيل دهشتگرد حملن جو ذميوار هو، جنهن ۾ 6 آمريڪي شهرين سميت 166 ڄڻا مارجي ويا هئا ۽ 300 کان وڌيڪ زخمي ٿي پيا هئا.

26 ڊسمبر 2001ع تي آمريڪا جي پرڏيهي وزارت ايل اِي ٽي کي ترميم ٿيل اميگريشن اينڊ نيشنلٽي ايڪٽ جي سيڪشن 219 تحت پرڏيهي دهشتگرد تنظيم نامزد ڪيو. ان کان اڳ 20 ڊسمبر 2001ع تي آمريڪي پرڏيهي وزارت ترميم ٿيل ايگزيڪيوٽو آرڊر 13224 تحت ايل اِي ٽي کي خاص طور تي نامزد عالمي دهشتگرد طور نامزد ڪيو. نتيجي طور آمريڪا جي دائره اختيار ۾ ايندڙ ايل اِي ٽي جي ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي ايل اِي ٽي سان ڪنهن به قسم جي ڏيتي ليتي ڪرڻ تي پابندي مڙهي وئي آهي. ايل اِي ٽي کي ڄاڻي واڻي سامان يا وسيلن جي فراهمي يا ان جي ڪوشش يا سازش ڪرڻ هڪ ڏوهه آهي.