Barnaamijka Abaalmarinta Caddaalaadda ayaa bixinaysa abaalmarin gaaraysa illaa $5 milyan oo ay siinayso ciddii keenta xog ku saabsan Maxammad Axmed al-Munawar oo loo yaqaan Ashraf Naceem Mansour. Al-Munawar oo lagu eedeeyay in uu ka tirsan yahay kooxda argagixisada ah ee Abu Nidal Organization, ayaa loo raadinayaa doorki uu ku lahaa afduubkii Pan Am Duulimaadkii 73 ee dhacay taariikhdu markay ahayd 5ta bisha Seteember, 1986 ee Karachi, Pakistan. Ka dib markii ay afduub ku haysteen 379 rakaab iyo shaqaalihii diyaaradda saarma muddo ku dhow 16 saacadood, afduubayaashu waxay bilaabeen inay si aan kala sooc lahayn u toogtaan. Labaatan qof, oo ay ku jiraan labo Maraykan ah, ayaa ku dhintay in ka badan 100 kalena waa ay ku dhaawacmeen.
Doorkii uu ku lahaa afduubka, al-Munawar waxaa dacwad ku soo oogay xeerbeegti heer federaal ah oo Maraykan ah, wuxuuna ku jiraa Liiska Argaggixisada ee loogu Doonista Badan yahay ee FBI-da. Al-Munawar waxay u badan tahay inuu deggan yahay ama ku nool yahay Bariga Dhexe.